پشاور زلمی کے مالک جاوید آفریدی بھی سابق کپتان بابراعظم کی حمایت میں سامنے آگئے، ٹوئٹ نے مداحوں کے دل جیت لیے
تفصیلات کے مطابق بابر اعظم کی جانب سے کپتانی سے مستعفی ہونے کے بعد پشاور زلمی کے مالک جاوید آفریدی سابق کپتان کی حمایت میں سامنے آ گئے۔
سماجی رابطوں کی ویب سائٹ ایکس پر جاری پیغام میں جاوید آفریدی نے لکھا کہ “کوئی بابر اعظم کی جگہ نہیں لے سکتا”۔
NO ONE CAN REPLACE BABAR. 🐐
— Javed Afridi (@JAfridi10) November 16, 2023
جبکہ بابر اعظم کی جانب سے پاکستانی کرکٹ ٹیم کی کپتانی چھوڑنے کے فیصلے کے بعد ان کے ساتھی کرکٹرز کی جانب سے پیغامات جاری کیے گئے ہیں۔ قومی وکٹ کیپر بیٹر محمد رضوان نے ایکس (ٹوئٹر) پر بابراعظم کے پیغام پر ردعمل کا اظہار کرتے ہوئے لکھا کہ ’’کپتانا، آپ دلوں کے کپتان ہو، آپ یقیناً پاکستان کے عظیم ترین بلے بازوں میں سے ایک ہیں‘‘۔
محمد رضوان کا مزید کہنا تھا کہ آپ کی ایمانداری، پیار، دیانت، خیالات اور بطور کپتان پاکستان کیلئے کوششیں قابل قدر ہیں۔ انہوں نے بابر اعظم کو دعا دیتے ہوئے یہ بھی لکھا کہ آپ پاکستان کیلئے چمکتے رہیں، آمین۔
جبکہ شاہین شاہ آفریدی نے ٹی ٹونٹی ٹیم کا کپتان بننے کے بعد پیغام جاری کرتے ہوئے کہا کہ بابراعظم آپ کی بے مثال قیادت کے زیر سائے حقیقی ٹیم ورک اور دوستی کا مشاہدہ ایک اعزاز ہے ، آپ کی قیادت ،ٹیم کے اتحاد اور اجتماعی کامیابی کا عزم قابل تحسین ہے ،انشا اللہ آپ کو بیٹنگ کے مزید ریکارڈ توڑتے ہوئے مشاہدہ کریں گے ۔
