بنگلادیش اور سری لنکا کے درمیان دہلی کے ارون جیٹلی اسٹیڈیم میں ہونے والے ورلڈکپ کے میچ میں پہلی بار سری لنکا کے اینجیلو میتھوز بغیر کوئی گیند کھیلے آؤٹ ہوگئے۔
تاریخ میں پہلی بار انٹرنیشنل کرکٹ میں کسی بیٹر کو ٹائم آؤٹ ہونے پر مخالف ٹیم کی اپیل پر آؤٹ دیا گیا۔
کرکٹ ویب سائٹ ای ایس پی این کرک انفو کی رپورٹ کے مطابق اینجیلو میتھیوز ٹوٹا ہوا ہیلمٹ لے کر میدن میں آگئے تھے جس کے بعد لنکن کرکٹر نے میچ میں فیلڈ امپائر کو قائل کرنے کی کوشش کی مگر انہوں نے اجازت نہیں دی۔
Angelo Mathews wasn't ready to face his first ball within two minutes 😳 pic.twitter.com/yzx14R3JZH
— ESPNcricinfo (@ESPNcricinfo) November 6, 2023
بنگلایش کے کپتان شکیب الحسن سمیت کھلاڑیوں کی جانب سے ٹائم آؤٹ کا کہہ کر آؤٹ کرنے کی اپیل کی، امپائر نے اینجیلو میتھیوز کو ٹائم آؤٹ کی بنیاد پر آؤٹ قرار دے دیا۔
کرکٹ قوانین کے مطابق ایک وکٹ گرنے کے بعد اگلے بیٹر کو دو منٹ کے دوران گیند کا سامنا کرنے کے لئے تیار ہونا چاہیئے۔ بارہویں کھلاڑی نے نیا ہیلمٹ لانے میں تاخیر کی جس کی وجہ سے میتھیوز دو منٹ میں گیند کا سامنا کرنے کے لئے تیار نہیں ہو پائے، لہٰذا مخالف ٹیم کی اپیل پر ٹائم آؤٹ قرار پائے۔
