فخر زمان نے اچھا کھیلا مگر جیت کی اصل بنیاد اس کھلاڑی نے رکھی، بابر اعظم نے میچ ونر کھلاڑی کا نام بتا دیا

تفصیلات کے مطابق قومی کرکٹ ٹیم کے کپتان بابر اعظم نے بنگلہ دیش سے جیت کا کریڈٹ ٹیم کے کھلاڑیوں کو دیتے ہوئے کہا ہے کہ آج لڑکوں نے تینوں شعبوں میں عمدہ پرفارمنس کا مظاہرہ کیا ۔

ان کا کہنا تھا کہ ہم جانتے ہیں کہ جب فخر زمان کھیلتا ہے تو یہ کتنا زبردست پرفارم کرتا ہے ۔ اس سے پہلے ہمارے باؤلرز شاہین اور وسیم نے اچھی باؤلنگ کی، اس جیت سے ہمیں اعتماد ملے گا اور ہم اگلے میچز بھی جیتنے کی کوشش کریں گے ، پھر دیکھتے ہیں کہ ہم کہاں کھڑے ہیں۔

باولنگ کے بارے میں بات کرتے ہوئے ان کا کہنا تھا کہ ایک موقع پر بنگلہ دیشی بلے بازوں نے پارٹنر شپ قائم کی لیکن ہمارے مین باولرز نے وکٹیں لیں ،باولرز نے اچھی لائن لینتھ پر باولنگ کی۔