آئی سی سی نے کرکٹ کے تینوں فارمیٹس کی رینکنگ جاری کردی ہے جس کے مطابق پاکستان کے دو بیٹرز کی تنزیلی ہوگئی ہے۔
انٹرنیشنل کرکٹ کونسل تازہ رینکنگ کے مطابق بابراعظم 836 ریٹنگ پوائنٹس کےساتھ ون ڈے بیٹرز میں سرفہرست ہیں تاہم پاکستان کی اوپننگ جوڑی امام الحق اور فخر زمان جو پہلے ٹاپ 10 بلے بازوں میں شامل تھی اب تنزلی کا شکار ہوکر بالترتیب 10 ویں اور 13 ویں نمبر پر ہیں
بھارتی اوپنر شبمن گل 818 ریٹنگ پوائنٹس کے ساتھ دوسرے نمبر پر ہیں۔ورلڈ کپ میں دو سنچریاں بنانے والے جنوبی افریقہ کے اوپنر کوئنٹن ڈی کاک کی رینکنگ میں ایک درجہ بہتری ہوئی اور انہوں نے اپنے ساتھی کھلاڑی راسی وین ڈیر ڈوسن کو پیچھے چھوڑ دیا۔ کوئنٹن ڈی کاک تیسرے اور راسی وین ڈیر ڈوسن چوتھے نمبر پر ہیں۔
ٹی ٹوئنٹی اور ون ڈے میں پاکستان کا کوئی بولر ٹاپ 10 میں جگہ نہ بنا سکا البتہ شاہین آفریدی ٹیسٹ رینکنگ کے ٹاپ 10 میں شامل ہیں۔
بابر اعظم واحد بلے باز ہیں جو ون ڈے، ٹی ٹوئنٹی اور ٹیسٹ کرکٹ کے ٹاپ فائیو میں شامل ہیں۔ وہ ٹی ٹوئنٹی بیٹرز میں چوتھے جبکہ ٹیسٹ فارمیٹ میں بھی چوتھے نمبر پر ہیں۔
