افغانستان کو شکست دینے کے بعد روہت شرما کا پاکستان کے خلاف میچ کے بارے میں بیان

ورلڈ کپ کے میچ میں افغانستان کو شکست دینےکے بعد بھارتی کپتان روہت شرمانے کہا ہے کہ ہم پاک بھارت میچ میں بھی ایسے ہی کریں گے جیسا آج کے میچ میں کیا ہے۔

ان کا کہنا تھا کہ ہم کنڈیشنز کے بارے میں پریشان نہیں ہونا چاہتے ، بلکہ تمام میچز ایسے ہی کھیلنا چاہتے ہیں جیسے آج کا میچ کھیلا۔

انہوں نے کہا کہ ایک موقع پر افغانستان نے اچھی باولنگ کر کے ہم پر دباو بڑھا یا لیکن ہم نے اس دباو کا سامنا کر کے اپنی پارٹنر شپ قائم کی۔ ان کا کہنا تھا کہ ہمارے پاس ایسے بلے باز موجود ہیں جو خوف کو ایک طرف رکھ کر کھیلتے ہیں اور جب آپ کے پاس آل راونڈر موجود ہوں تو وہ مختلف چیزوں کو خود ہی سنبھال لیتے ہیں ۔