’یہ ترانہ آئی سی سی کے آفیشل ترانے سے بہتر ہے‘، پی سی بی نے گانے کی ویڈیو جاری کردی
پاکستان کرکٹ بورڈ (پی سی بی) کی جانب سے کرکٹ ورلڈ کپ 2023 کے لیے ترانہ جاری کرنے کے بعد شائقین نے گانے کو آئی سی سی کے آفیشل ترانے سے لاکھ گنا بہتر قرار دیتے ہوئے کہا کہ بھارتیوں کو اب پاکستان سے میوزک کی کلاسز لے لینی چاہئیں۔
گزشتہ روز پی سی بی نے ورلڈ کپ کے لیے سماجی پلیٹ فارم ایکس پر پاکستان کرکٹ شائقین کے لیے نیا ترانہ جاری کیا۔’کیونکہ جنون اور لگن میں، کوئی نہیں لائک اَس (Like us)‘ کے ٹائٹل سے جاری 4 منٹ اور 18 سیکنڈ کی ویڈیو سوشل میڈیا پر وائرل ہورہی ہے جسے شائقین کی جانب سے بے حد پسند کیا جارہا ہے۔
ویڈیو میں یہ دکھانے کی کوشش کی گئی ہے کہ پاکستانیوں میں کرکٹ کا جنون ہے اور اسی کھیل کی بدولت لوگ ایک دوسرے کے قریب ہیں۔جوش سے بھرپور گانے کی دھن، کمپوزیشن اور میوزک کے ذریعے ورلڈ کپ میں پاکستان کرکٹ ٹیم کے کھلاڑیوں کو سپورٹ کرنے کا پیغام دیا گیا ہے۔
A celebration of Pakistan Cricket – the team, the fans, the nation – and our unbreakable spirit and passion for the game!
Kyunke Junoon aur lagan mein…Koi Nahi Like Us!@pepsipakistan#JunoonKaRung #DattKePakistani pic.twitter.com/Dr0ImCZ9i8
— Pakistan Cricket (@TheRealPCB) October 5, 2023
گانے میں زیادہ تر ریپرز نے اپنی بہترین پرفارمنس سے شائقین کے دل جیت لیے ہیں، احسن مغل، ایچ وائے ڈی آر اور قرۃ العين بلوچ، میوزک بینڈ ینگ اسٹنرز کی سریلی آوازیں شامل ہیں۔اس کے علاوہ گانے کی ویڈیو میں اینی میشن (animation) اور سنیماٹوگرافی کی بھی خوب تعریفیں کی گئی ہیں۔گانے کی ویڈیو جاری ہوتے ہیں کرکٹ شائقین کا کہنا تھا کہ یہ ترانہ آئی سی سی کے آفیشل ترانے سے بہت بہتر ہے۔
سوشل میڈیا صارف فریحہ نے لکھا کہ ’اس کو کہتے ہیں ترانہ‘۔
THIS IS WHAT YOU CALL AN ANTHEM!!!!!!!!!!!!!!!!!!! https://t.co/AlKbx18ZZn
— فریحہ ✪ (@fay_alif) October 5, 2023
نقا نامی صارف نے لکھا کہ ’یہ ترانہ آفیشل ترانے سے 100 گنا بہتر ہے‘، انہوں نے بھارتیوں کو مخاطب کرتے ہوئے کہا کہ ’یہ لوگ ہمارے گانے کاپی کر سکتے ہیں لیکن ہمارے ٹیلنٹ کو ہرا نہیں سکتے‘۔
100x better than the official worldcup song. They can copy our songs but they cant beat our talent. https://t.co/gmV7aGeje4
— niqqa 2.0 (@simpforhaseeb) October 5, 2023
بھارتی صارف نشی پٹیل نے لکھا کہ ’آپ مجھ سے اتفاق کریں یا دیوار سے بحث کریں لیکن پاکستان کرکٹ کا یہ ترانہ بہترین ہے۔‘
Agree with me or Argue with wall but this is the best iconic anthem of Pakistan cricket 👇 https://t.co/br2z9xVF4n
— Nishi Patel (@Nishi_45) October 5, 2023
ایک اور صارف نے ویڈیو میں شاہین آفریدی کے ساتھ عقاب کی Animation کی تعریف کرتے ہوئے قومی ٹیم کے کھلاڑیوں کے لیے نیک خواہشات کا اظہار کیا۔
