آئی سی سی ورلڈکپ میں نیدرلینڈز کے خلاف میچ میں پاکستانی وکٹ کیپر محمد رضوان کی گراؤنڈ میں نماز ادائیگی کی ویڈیو وائرل ہوگئی۔
جمعہ کو بھارتی شہر حیدر آباد دکن میں کھیلے گئے آئی سی سی مینز ورلڈکپ کے میچ میں پاکستان نے نیدرلینڈز کو با آسانی 81 رنز سے شکست دے کر ایونٹ میں فاتحانہ آغاز کر دیا۔پاکستان کے 287 رنز کے ہدف کے تعاقب میں نیدرلینڈز کی ٹیم 41 اوورز میں 205 رنز بنا کر آؤٹ ہوگئی۔
ہدف کے تعاقب میں جب نیدرلینڈز کی اننگز جاری تھی کہ میچ میں پانی کے وقفہ کے دوران محمد رضوان نے گراؤنڈ میں ہی نماز ادا کی جس کی ویڈیو سوشل میڈیا پر وائرل ہوگئی۔
ماشاء اللہ ❤️ محمد رضوان بھارت کے میدان میں پانی کے وقفے کے دوران کراؤڈ کے سامنے نماز ادا کر رہے ہیں😭💗#PAKvsNED #WorldCup2023 pic.twitter.com/gp1hL5rO6J
— Cricket Pakistan (@CricPakistan20) October 6, 2023
