بھارت میں 5 اکتوبر سے شروع ہونے والے آسی سی سی کرکٹ ورلڈکپ میں پاکستان کے سٹار باولر شاہین شاہ آفریدی ایک اہم ریکارڈ اپنے نام کر سکتے ہیں۔
فاسٹ باولر شاہین شاہ آفریدی جو 44 ون ڈے میچز میں 86 وکٹیں لے چکے ہیں، وہ پاکستان کی جانب سے ون ڈے میچز میں تیز ترین 100 وکٹیں مکمل کرنے کا ریکارڈ اپنے نام کرسکتے ہیں۔
پاکستان کی جانب سے ون ڈے کرکٹ میں تیز ترین 100 وکٹیں حاصل کرنے کا اعزاز سابق آف سپنر ثقلین مشتاق کے پاس ہے جنہوں نے یہ کارنامہ 53 ون ڈے میچز میں سر انجام دیا۔
اگر شاہین پاکستان کی جانب سے ون ڈے میں تیز ترین 100 وکٹیں مکمل کرنے والے باولر بننا چاہتے ہیں تو انہیں رواں ماہ بھارت میں ہونے والے ورلڈکپ کے 8 میچز میں 14 وکٹیں حاصل کرنا ہوں گی۔
