بھارت کے تجربہ کار آف سپنر روی چندرن ایشون کئی سال گزر جانے کے باوجود بوم بوم شاہد آفریدی کے 2014 میں لگائے گئے2چھکوں کو نہ بھول سکے۔
مارچ 2014 میں بنگلا دیش میں کھیلے گئے ایشیاء کپ کےاہم میچ میں پاکستان نے بھارت کو ایک سنسنی خیز مقابلے کے بعد شکست دی تھی، سابق کپتان پاکستان کرکٹ ٹیم شاہد آفریدی نے اس میچ میں 18 گیندوں پر 34 رنز کی برق رفتار اننگز کھیل کر بھارت سے جیتا ہوا میچ چھین لیا تھا۔
ورلڈکپ کے دوران ٹوئٹر پر روی چندرن ایشون نے دنیش کارتک سے گفتگو کی تصویر شیئر کرتے ہوئے اپنے خیالات کا اظہار کیا تھا تاہم تصویر پر کمنٹ کرتے ہوئے ساول میر خان نامی صارف نے ایشون کو شاہد آفریدی کے چھکے یاد دلائے اور لکھا کہ شاہد آفریدی کو وہ 2 چھکے آج بھی یاد ہیں۔
