نیوزی لینڈ کرکٹ ٹیم کے کپتان کین ولیمسن نے کہا ہےکہ وہ اپنے ٹارگٹ سے پیچھے ہٹنا نہیں چاہتے اور ان کا ٹارگٹ ورلڈکپ کھیلنا ہے۔کین ولیمسن گھٹنے کی انجری کے باعث 6 ماہ سے کرکٹ سے دور ہیں، ان کے گھٹنے کا آپریشن ہوا اور وہ ان دنوں وہ ری ہیب میں مصروف ہیں۔
تاہم اب میڈیا ٹاک کرتے ہوئے نیوزی لینڈ ٹیم کے کپتان کین ولیمسن نے کہا کہ کرکٹ میں واپسی میرے لیے بہت اچھی خبر ہے، آپ ورلڈکپ کا حصہ بننے کے لیے پر امید رہتے ہیں، انجری کے بعد آپ ایکشن میں واپس آنا چاہتے ہیں، واپسی کے لیے آپ کو فٹنس درکار ہوتی ہے۔
