ایشیاء کپ میں سری لنکا سے شکست کے بعد جہاں پاکستانی افسردہ ہیں وہیں قومی کرکٹ ٹیم کے کپتان بابر اعظم بھی صدمے کا شکار ہیں ۔ کپتان کے والد اعظم صدیقی نے انسٹاگرام پر اپنی پوسٹ میں لکھا کہ’’بابر سے بات ہوئی وہ بات نہیں کر پا رہا، میں نے بابر کو کہا بہادر جیتتے ہیں یا سیکھتے ہیں پر ٹوٹتے کبھی نہیں ہیں، آدھے کھلاڑیوں نے کل پورا میچ کھیلا اور آخری گیند پر چوکے کے ساتھ ٹیم شکست کھاگئی، اس میچ میں مجھے ایک کل کا سپر سٹار بولر زمان خان دکھائی دیا ہے جو شدید پریشر میں بھی بہترین بال کر رہا تھا۔ جیت ہارکھیل کا حصہ ہے، پر ٹیم نے آدھی ہونے کے با وجود پورا مقابلہ کیا، انشا اللہ ورلڈکپ میں جب سب فٹ ہوں گے تو مزہ آئے گا‘‘۔
اعظم صدیقی نے اپنی پوسٹ میں مزید لکھا کہ’’مقابلوں کو دیکھیں تو اللہ صرف نیت اور دل سے کیا ہوا عمل دیکھتا ہے قبول کرے نہ کرے وہ مالک ہے، میرے خیال میں ٹیم نے جان پوری لگائی ہم اس وقت ٹیم کا حوصلہ بنیں اور اُن کا دل بڑا کریں یہی حب الوطنی ہے۔‘‘
