سوشل میڈ یا پر متنازعہ ویڈیو وائرل ہونے کے بعد گوتم گمبھیر نے اپنے غیر مناسب رویئے کا سارا ملبہ پاکستان پر ڈال دیا

سوشل میڈ یا پر متنازعہ ویڈیو وائرل ہونے کے بعد بھارتی کرکٹر گوتم گمبھیر کا بیان بھی سامنے آگیا ، بی جے پی رہنما گوتم گمبھیر نے اپنے نا مناسب روئیے کا سارا ملبہ پاکستان پر ڈال دیا ۔

وائرل ویڈیو پر بات کرتے ہوئے انہوں نے کہا کہ سوشل میڈیا پر جو بھی چیز وائرل ہوتی ہے اس میں کچھ سچ نہیں ہوتا ،جو بھی ویڈیو وائرل ہوئی ہے اس میں سب سے بڑی سچائی یہ ہے کہ وہاں لوگ بھارت مخالف نعرے لگا رہے تھے ،بھارت مردہ باد کی نعرے بازی ہو رہی تھی اور کشمیر سے متعلق نعرے بازی ہورہی تھی توایسی صورتحال میں وہا ں کچھ تو جواب دیا جانا چاہیے تھا ایسے ہی ہنستے ہوئے چلے جانا ٹھیک نہیں ، وہاں کچھ پاکستانی لوگ تھے بھارت مخالف نعرے بازی کر رہے تھے ۔

واضح رہے کہ ویرات کوہلی کے فینز نے گوتم گمبھیر کے خلاف نعرے بازی کی جس پر وہ غصے میں آگئے اور غیر مناسب اشارہ کیا۔