فخرزمان نے ایسا کارنامہ سر انجام دیدیا جو سچن ٹنڈولکر اور سعید انور جیسے ایشیائی بلےباز بھی نہیں کرسکے

129

کرکٹ سے جڑی ہرخبر اور زبردست ویڈیوز کے لیے ہمارا پیج لایک کریں
جنوبی افریقہ کیخلاف دوسرے ون ڈے میچ میں 193 رنز کی اننگز کھیلنے والے فخر زمان نے ایسا کارنامہ سر انجام دیدیا جو سچن ٹنڈولکر اور سعید انور جیسے ایشیائی بلے باز بھی نہیں کرسکے۔ تفصیلات کے مطابق


جنوبی افریقہ نے جوہانسبرگ میں کھیلے گئے سیریز کے دوسرے ون ڈے میچ میں پاکستان کو فتح کیلئے 342 رنز کا ہدف دیا۔ ہدف کے تعاقب میں پاکستانی یٹنگ لائن بری طرح سے ناکام ہوئی اور

فخر زمان کے سوا کوئی بھی بلے باز جنوبی افریقی باؤلرز کا مقابلہ نہ کر سکا۔ قومی ٹیم ایک موقع پر 205 رنز پر 7 وکٹیں گنوا چکی تھی اور اسے فتح کیلئے مزید 137رنز درکار تھے لیکن

اس مرحلے پر فخر زمان نے اپنی سنچری مکمل کرنے کیساتھ ٹیل اینڈرز کے ساتھ شاندار بیٹنگ کرتے ہوئے پاکستان کی جیت کی امید پھر سے جگائی۔ ڈبل سنچری سے محض 7 رن دوری پر فخر زمان رن آؤٹ ہوئے۔


فخر زمان اتوار کو جوہانسبرگ میں پاکستان کو میچ تو نہ جتواسکے لیکن ان کی 193 رنز کی شاندار اننگز نے ریکارڈ بک میں نام درج کرالیا ہے۔ 30 سالہ بلے باز نے 155 گیندوں پر 193 رنز کی اننگز کھیل کر

پاکستا ن کو 342 رنز کے ہدف کے قریب تو پہنچا دیا لیکن آخری اوور کی پہلی گیند پر وہ رن آوٹ ہو گئے۔ فخر زمان کی یہ اننگ ون ڈے کرکٹ میں دوسری اننگز میں کسی بھی کرکٹر کی

سب سے بڑی اننگ ہے، اس سے قبل یہ اعزاز آسٹریلیا کے شین واٹسن کے پاس تھا، انہوں نے 2011 میں بنگلا دیش کے خلاف 185 رنز کی اننگز کھیلی تھی۔

یہ جنوبی افریقا کے خلاف کسی بھی پاکستانی بیٹسمین کا سب سے بڑا اسکور ہے جبکہ مجموعی طور پر کسی بھی کھلاڑی کا دوسرا بڑا اسکور ہے۔ بھارت کے سچن ٹنڈولکر نے 2011 میں


ٹنڈولکر نے جنوبی افریقا کے خلاف 200 رنز اسکور کیے تھے جبکہ اس سے قبل پاکستا ن کی جانب سے سب سے بڑی اننگز 135 رنز، سلیم الٰہی نے 2002 میں کھیلی تھی۔

جوہانسبرگ کے وینڈررز میں 193 رنز کی یہ اننگز جنوبی افریقی سرزمین پر کسی غیر ملکی کرکٹر کی سب سےبڑی اننگ ہے، اس سے قبل ڈیوڈ وارنر نے کیپ ٹاؤن میں 173 رنز اسکور کیے تھے۔


فخر زمان کی اننگز میں 10 چھکےشامل تھے یوں وہ جنوبی افریقا کے خلاف ایک ون ڈے میں 10 یا زائد چھکے لگانے والے تیسرے کھلاڑی ہیں۔ مارٹن گپٹل نے

جنوبی افریقا کے خلاف 11 چھکے لگائے جبکہ 2010 میں عبدالرزاق بھی جنوبی افریقی بولرز کو 10 چھکے رسید کرچکے ہیں۔ فخر زمان کا انفرادی اسکور کوئی بھی ون ڈے ہارنے والی ٹیم کی جانب سے

دوسرا سب سے بڑا اسکور ہے، سب سے بڑا اسکور زمبابوے کے چارلس کونٹری کا ہے جو 194 رنز بناکر بھی زمبابوے کو بنگلا دیش کے خلاف شکست سے نہ بچاسکے۔