اگر آپ کو ویرات کوہلی بیٹنگ کرتا بہت اچھا لگتا ہے تو پھر ایک مرتبہ بابراعظم کو دیکھیں“ سابق آسٹریلین کرکٹر اور کوچ نے بھارتیوں کے دل ’کرچی کرچی‘ کر دئیے

203

کرکٹ سے جڑی ہرخبر اور زبردست ویڈیوز کے لیے ہمارا پیج لایک کریں
آسٹریلین کرکٹ ٹیم کے مایہ ناز سابق کرکٹر اور کوچ ٹام موڈی نے بابراعظم کو خاص ٹیلنٹ قرار دیتے ہوئے کہا ہے کہ وہ گزشتہ سال ایک ایسے کھلاڑی بن کر ابھرے ہیں جو بہت خاص ہوتا ہے اور


تفصیلات کے مطابق ٹام موڈی نے اپنے ایک انٹرویو میں کہا کہ بابراعظم گزشتہ ایک برس کے دوران خصوصی ٹیلنٹ بن کر ابھرے ہیں، ہم ویرات کوہلی کے بیٹنگ ایکشن کی بات کرتے ہیں اور کہتے ہیں کہ ویرات کوہلی کو بیٹنگ کرتے ہوئے دیکھنا بہت اچھا لگتا ہے۔ اگر آپ سوچتے ہیں کہ ویرات کوہلی کو بیٹنگ کرتے دیکھنا آنکھوں کو بھلا لگتا ہے تو پھر ایک مرتبہ بابراعظم کو بیٹنگ کرتا دیکھیں، اوہ میرے خدا، وہ تو بہت خاص ہے۔ ٹام موڈی نے کہا کہ میرے خیال سے بابراعظم یقینا اگلی دہائی کے 5 ٹاپ بیٹسمینوں میں سے ایک ہوں گے لیکن جب ان سے یہ سوال کیا گیا کہ موجودہ دہائی کے بارے میں آپ کا کیا کہنا ہے تو انہوں نے جواب دیا کہ بابراعظم کو ویرات کوہلی، سٹیو سمتھ اور کین ولیم سن کی فہرست میں شامل کرنا ابھی جلد بازی ہو گا۔ ان کا کہنا تھا ”اگرچہ بابراعظم نے 26 ٹیسٹ میچز کھیلے مگر ان میں سے آدھے میچز میں بھی وہ پاکستان کی مین بیٹنگ لائن کا حصہ دکھائی نہیں دیتے تھے۔“